കൊവിഡ് പ്രതിരോധ വാക്‌സിന്‍ ആദ്യം നേടുന്ന രാജ്യങ്ങളിലൊന്ന് സൗദി ആയിരിക്കുമെന്ന് ആരോഗ്യ സഹമന്ത്രി അബ്ദുല്ല അല്‍ അസീരി

കൊവിഡ് പ്രതിരോധ വാക്‌സിന്‍ ആദ്യം നേടുന്ന രാജ്യങ്ങളിലൊന്ന് സൗദി ആയിരിക്കുമെന്ന് ആരോഗ്യ സഹമന്ത്രി അബ്ദുല്ല അല്‍ അസീരി


റിയാദ്: ക്ലിനിക്കല്‍ പരീക്ഷണം തുടരുന്ന കൊവിഡ് പ്രതിരോധ വാക്‌സിന്‍ ആദ്യം നേടുന്ന രാജ്യങ്ങളിലൊന്ന് സൗദി ആയിരിക്കുമെന്ന് ആരോഗ്യ സഹമന്ത്രി അബ്ദുല്ല അല്‍ അസീരി പറഞ്ഞു. വാക്‌സിന്‍ നേരത്തെ ലഭ്യമാക്കുന്നതിന് വാക്സിന്‍ കമ്ബനികളുമായി കരാര്‍ ഒപ്പുവെച്ചു. അവസാന ഘട്ട പരീക്ഷണം വിജയിക്കുന്ന പ്രതിരോധ വാക്‌സിനുകള്‍ എത്രയും വേഗം രാജ്യത്തെ ജനങ്ങള്‍ക്ക് ലഭ്യമാക്കാനാണ് ശ്രമമെന്നും അസീരി പറഞ്ഞു.

കൊവിഡ് പ്രതിരോധത്തിനുളള രണ്ടോ മൂന്നോ വ്യത്യസ്ഥ വാക്‌സിനുകള്‍ ലഭ്യമാക്കും. ഇതിനായി അന്താരാഷ്ട്ര കരാര്‍ ഒപ്പുവെച്ചു. വിവിധ വാക്സിന്‍ കമ്ബനികളുമായി ധാരണയിലെത്തിയിട്ടുണ്ട്. പ്രതിദിനം വൈറസ് ബാധിക്കുന്നവരുടെ എണ്ണം കുറഞ്ഞുവരുന്നതായും അസീരി കൂട്ടിച്ചേര്‍ത്തു. സൗദി ചാനലിന് കൊടുത്ത അഭിമുഖത്തിലാണ് സഹമന്ത്രി അസീറി ഇത് വ്യക്തമാക്കിയത്.